„Невладината пешадија од граѓански сектор, киднапиран и злоупотребен од страна на Сорос во политички цели и за корист на СДСМ, и во Македонија и насекаде на планетата има ист начин на дејствување. Агресија, антидемократија и обиди за насилно уривање на власта избрана од мнозинството граѓани“, порача ВМРО-ДПМНЕ денеска во соопштение.
Партијата обвинува дека СДСМ и Сорос се посветени и добро платени за мисијата за уништување на демократијата во Македонија и за сузбивање на секое мислење кое соросовите инсталации ќе го проценат како неподобно.
ВМРО-ДПМНЕ вели дека македонскиот народ на 11 декември им кажал „не“ на деструкцијата и на манипулациите во режија на аболираниот криминалец Зоран Заев и на соросовите инсталации во Македонија и дека е време за десоросоизација на Македонија.