Откако материјалите околу кои СДСМ се обиде да изградат случај наидоа на потсмев на социјалните мрежи и во пошироката јавност, сега партијата на Заев сака да ја сокрие површноста на доказите, реагираат од ВМРО-ДПМНЕ на прес-конференцијата на СДСМ.
„Денес СДСМ нè повикува да не ги гледаме снимките и воопшто да не се обрнува внимание на нив, демек, снимките сега не се важни, а всушност самите тие ги пласираат преку своите медиуми. Ова говори за нивниот аматеризам, но и за концептот за работа на СДСМ, концепт на манипулации. Со ова СДСМ сака да ја затскрие површноста на доказите и се фокусира кон манипулација. СДСМ со ова се вади од кашата во која сами се заплеткаа. Со ова СДСМ покажува дека се подготвени на сè, па дури и со снимки и со фотографии кои предизвикуваат потсмев, само за да извлечат некаква политичка корист“, се вели во реакцијата на ВМРО-ДПМНЕ.
Оттаму велат дека очекуваат надлежните инстутуции да ги утврдат фактите и да придонесат за расветлување на сите околности за случајот во кој „Фокус“ неодамна објави видеозапис на кој прикажува „фабрика за пасоши“.