Претседателот на Владата на Република Македонија, Никола Груевски, во рамките на својата посета на Република Индија, во градовите Калкута и Ченаи, оствари повеќе поединечни средби со претставници на компании, на кои им ги претстави можностите за инвестирање што се нудат во Република Македонија. Тој се сретна со менаџментот на компанијата „ОПГ груп “, која се занимава со изградба на термоцентрали и со производство на електрична енергија, произведува околу 800 мегавати годишно и има свои објекти низ цела Индија.
Компанијата котира на Лондонската берза и има проценета вредност од една милијарда евра.
Премиерот Груевски ги објасни условите за водење бизнис во Република Македонија и добрата бизнис-клима што треба да ја искористат инвеститорите. Тој истакна дека државата го поседува најповолниот даночен пакет, пристап до 650 милионскиот пазар на Европа и слободни економски зони кои се развиваат.
