Владата на својата 134. седница дала негативно мислење за годишниот извештај за работата на Македонската радио телевизија за 2018 година, откако такво мислење од неа побарало Собранието.
Ваквиот потег уследил по негативното мислење на Министерството за информатичко општество и администрација, подготвено во соработка со Министерството за финансии. Главниот проблем за негативната оценка е утврдената загутба на ЈРП Македонската радио телевизија во 2018 година, која изнесува 26 милиони денари.
Освен тоа, Владата усвоила мислење дека ЈП Македонска радиотелевизија не ги исполнила професионалните и етички новинарски стандарди за обезбедување уредувачка независност, непристрасност и објективност во информирањето, што произлегуваат од Членот 111 од Законот за Аудио и аудиовизуелни медиумски услуги и од препораките од извештаите на ЕУ за реформи за остварување на целосна независност на јавниот радиодифузен сервис.
Освен одлуката на Владата, и Државниот ревизор вчера издаде Конечен извештај за извршена ревизија на финансиските извештаи и ревизија на усогласеноста за 2017 г. на ЈРП „Македонска радиотелевизија“ – Скопје, кој е крајно негативен.
