Во понудата за форматот на јавната дебата, никаде не е ограничено присуството на студентите, вели портпаролот на Владата, Александар Ѓорѓиев.
– Од самиот формат кој беше предложен за средбата, може да се види дека никаде не постои забрана за присуство на студенти на истата и доколку Интеруниверзитетската конференција цени дека е потребно, тогаш тие слободно можат да вклучат членови на студентите во својата делегација и ние ги охрабруваме да го направат тоа и да вклучат и студенти кои не се согласуваат со реформите и студенти кои дадоа поддршка на истите – вели Ѓорѓиев.