fbpx

Владата одлучи: За возилата ќе има налепници „НМК“, а не нови регистaрски таблички

Од Владата велат дека со ставањето налепница на регистарските таблици, ќе се почитува обврската за означување на новиот код на РСМ, а финансиските издатоци ќе бидат многу помали

-

Владата на денешната седница ја разгледа и ја усвои Информацијата во врска со потребата од ставање налепници со „НМК“ ознака на веќе постоечките регистарски таблици на возилата, предложена од Министерството за внатрешни работи.

Од Владата велат дека со ставањето налепница на регистарските таблици, од една страна, во целост ќе се почитува обврската за означување на новиот код на Република Северна Македонија на регистарските таблици на возилата, а од друга страна, финансиските издатоци за ова решение се речиси неспоредливи со износот потребен за замена на регистарските таблици со нови.

„Во оваа насока е предвидено ставање налепници со „НМК“ ознака, на возила кои имаат таблици со „МК“ ознака, со што ќе се избегнат дополнителни финансиски трошоци, за издавање повеќе нови документи/лиценци/сертификати, коишто се поврзани со бројот на регистарската таблица“, пишува во владиното соопштение.

Поставувањето налепници со ознака „НМК“ на регистарските таблици, според образложението од МВР, ќе биде олеснување и за транспортерите кои патуваат во Европската Унија. На овој начин, според МВР, тие ќе имаат можност, на траспортните возила да ги задржат постоечките таблици, со што ќе бидат заштитени од потребата за промени во целокупната документација во државите членки на ЕУ, што ќе се појави како потреба, доколку постоечките регистарски таблици, ги сменат со нови таблици во нашата држава.

Владата го задолжи МВР да изготви Правилник за изменување и дополнување на постоечкиот правилник со кој се уредуваат прашањата од овој домен.

Кон почетокот на февруари, МВР соопшти дека до 12 февруари 2024 година граѓаните ќе мора да извршат промена на регистарските таблички со онака „МК“ со ознаката „NMK“. Подоцна, во Министерството за внатрешни работи (МВР) беше формирана работна група која работеше на решение за регистерските таблички. Министерот Оливер Спасовски неодамна изјави дека се разгледува опцијата за воведување на налепници што би се лепеле на постоечките регистерски таблички, што впрочем беше и предложено до Владата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...