fbpx

Владата ќе префрли 6 милиони евра на АД ЕСМ за да се покријат трошоците за парно греење во Скопје

-

Министерот за економија Крешник Бектеши денеска потврди дека државната компанија Електрани на Северна Македонија (ЕСМ) ќе добие 6 милиони евра од владата за да се покријат плаќањата на трошоците што произлегуваат од разликата меѓу реалната цена и постојната цена за парното греење на корисниците во Скопје.

Тој додаде дека овој износ е проекција на АД ЕСМ, нивната подружница ЕСМ-Енергетика која обезбедува парно греење во општина Гази Баба и Регулаторната комисија за енергетика. Бектеши објасни дека обезбедените средства од државата се во согласност со постојните берзански цени на природниот гас за јануари.

„Ќе видиме како ќе се движат и фјучерсите посебно за месеците февруари и март и откако ќе имаме понуди секако дека може тоа да биде и помалку, а може да биде и поголема цената што ќе не чини“, информираше министерот Бектеши во однос на сумата што ќе биде потребна од државниот буџет за да се покријат трошоците за парно греење.

Инаку, АД ЕСМ од денеска го презеде управувањето со производството, дистрибуцијата и снабдувањето со топлинска енергија на речиси 60.000 корисници во Скопје. Покрај со подружницата Енергетика, државната компанија ќе управува и со БЕГ и АД Скопје Север откако владата прогласи кризна состојба во снабдувањето со топлинска енергија.

Потрошувачите во Скопје од овој месец добиваат за 14 отсто повисоки сметки за топлинска енергија на месечно ниво, откако цените на природниот гас во изминативе месеци достигнаа енормно зголемување на европските берзи. БЕГ преку соопштение се огласи дека од 15 јануари нема да може да врши снабдување со топлинска енергија до корисниците, поради тоа што немаат можност да ги покријат финансиските средства за набавка на гас без државна помош.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...