Владата на итна седница попладнево донела заклучок на УЈП и на МРТВ да им се укаже да спроведат законска постапка за одложување на даночниот долг, изјави владиниот портпарол Александар Ѓорѓиев, објави „Телма“.

Тоа значи да се репрограмира долгот, односно да се создаде можност тој да се плати на повеќе рати, а сметката на јавниот сервис да биде одблокирана.

Според последата листа на должници што УЈП ја објави на 10 февруари, МРТВ ѝ должи на државата повеќе од два милиони евра.

Единствена точка на дневен ред на владината седница денеска било решавањето на состојбата со МРТВ, откако даночниците денеска ја блокираа сметката на јавниот сервис.