Владата на Република Македонија денеска ги повика универзитетите да достават предлози за реформи во високото образование.
„Владата на Република Македонија денеска упатува уште еден повик и замолница, до сите субјекти кои имаат интерес и конкретни и аргументирани идеи и предлози за понатамошно унапредување на реформата, до сите универзитети, до целата професорска бранша и до сите студенти, вклучувајќи ги и оние професори и студенти кои побараа, а во текот на вчерашниот ден и прифатија учество во дебата, а потоа решија да не присуствуваат на истата, да ги испратат своите предлози за квалитативно надградување и дополнување на текстот и на членовите на предложените законски реформи, до Владата или до Министерството за образование и наука во писмена верзија, за да може да бидат соодветно, детално и сеопфатно разгледани и да се увиди можноста за нивно вградување во законските решенија“, стои во повикот.
Во соопштението се наведува дека Владата е отворена за сугестии и подготвена да ги разгледува и анализира сите аргументирани предлози што ќе пристигнат.
