fbpx

Вистиномер: Во Бразил 60 отсто од населението е целосно вакцинирано

-

Не е вистина дека многу малку од луѓето  во Брaзил се вакцинирани. Тоа може лесно да се провери на сајтот „Ourworldindata.org“, каде што може да се прочита дека повеќе од половина од населението на Бразил се вакцинирани, односно, администрирани се вкупно 297.960.460 дози вакцини. Целосно вакцинирана е 60 отсто од популацијата во оваа земја, а 76 отсто имаат примено прва доза вакцина против ковид-19, пишува „Вистиномер“ во својата анализа на дезинформацијата.

Текстот подолу го пренесуваме во целост:

Пост на Фејсбук ја дезинформира јавноста дека во Бразил многу мал дел од луѓето биле вакцинирани против ковид-19. Ова не е точно.

Постот споделува видео од плажа во Бразил на која се присутни многу луѓе и вели:

Ова е во Бразил, каде многу малце од лугето се вакцнирани. Гледате како лугето „пагаат како муви“ оти не примале вакцина?

Лага е дека во Брaзил многу малку од луѓето се вакцинирани, како што се сугерира во постот, а тоа може лесно да се провери на сајтот „Ourworldindata.org“.

Доколку отидете на оваа страница и побарате податоци за вакцинацијата во Бразил ќе видите дека 60 отсто од популацијата во оваа земја е целосно вакцинирана, а 76 отсто имаат примено прва доза вакцина против ковид-19. Тоа значи дека повеќе од половина од населението на Бразил се вакцинирани, односно, дадени се вкупно 297.960.460 дози вакцини.

Кампањата за масовна имунизација во Бразил е тековна и истата започна на 17 јануари 2021 година, кога земјата имаше 210 илјади смртни случаи. Институтот Бутантан ги увезе првите 6 милиони дози на CoronaVac во соработка со кинеската компанија Sinovac Biotech.

Во Бразил се достапни вакцините Фајзер, Спутник В, Џонсон и Џонсон, Астра Зенека, Ковишилд, Синофарм и Синовак.

Како што неодамна (14.11.2021) напиша „Њујорк Тајмс“, Бразил, кој некогаш беше жариште на пандемијата, сега ги надмина Соединетите држави во целосно вакцинирање на својот народ против коронавирусот, при што над 60 отсто од бразилското население е целосно имунизирано. Стапката во САД на целосна вакцинација изнесува 59 проценти.

Достигнувањето е во спротивност со начинот на кој претседателот Жаир Болсонаро се справуваше со пандемијата на која ѝ се потсмеваше, а тој самиот одби да се вакцинира. Тоа, исто така, го одразува степенот на довербата на јавноста во робустен здравствен систем со евиденција за брзо реагирање во такви кризи, пишува „Њујор Тајмс“.

Од сето ова можеме да заклучиме дека постот што го рецензираме шири дезинформации и истиот го оценуваме како невистинит,пишува „Вистиномер“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од Макрон е креирана со вештачка интелигенција

Ако внимателно ја набљудувате фотографијата на Емануел Макрон, забележливо е дека е создадена од вештачка интелигенција. На пример, претседателот на Франција има неприродно долги прсти на десната рака, а...