Вистиномер: Уапсената снајперистка која убила 40 луѓе не е Данијела Лазовиќ од Србија, туку Ирина Старикова од Доњецк

-

Не е точно дека уапсената снајперистка со кодно име Багира е Србинката Данијела Лазовиќ. Станува збор за друга личност, Ирина Старикова. Српското МВР изјави дека Лазовиќ не е можно да е во Украина, затоа што таа одлежува шестгодишна казна во српски затвор, пишува „Вистиномер“ во својата анализа.

Текстот подолу го пренесуваме во целост:

Рецензираме пост објавен на социјалната мрежа Фејсбук во кој е споделен медиумски напис во кој се информира дека Украинците наводно ја фатиле српската снајперистка Багира која се бори на страната на сепартистите од Доњецк.

Во написот пишува дека ова го соопштиле украинските власти – дека е фатена српска снајперистка со кодно име Багира која со години се бори за проруските сепаратисти во Донбас. Според наводни украински извори вистинското име на снајперистката е Данијела Лазовиќ, а таа имала лажни украински документи под името Ирина Старикова.

Документите го носат лажното име на Ирина Старикова под кое се верува дека Багира оперирала на боиштата во источна Украина. Во документот се фалсификувани и податоци за раѓање и пишува дека е родена во Доњецк во 1981 година, стои во меидумскиот напис. 

Но, не е точно дека снајперистката Багира е Данијела Лазовиќ. Станува збор за друга личност, Ирина Старикова.
Веднаш откако оваа медиумска дезинформација ја објавија голем број медиуми во земјава, преведувајќи странски извори, се јави српското МВР од каде изјавија дека Лазовиќ не е можно да е во Украина, затоа што таа одлежува казна во српски затвор.

Точно е дека Д.Л. во октомври 2020 година беше уапсена и оттогаш е во КПУ Пожаревац, на издржување шестгодишна затворска казна, и никако не може да учествува во војната или да биде заробена во Украина. Исто така, посочуваме дека лицето од сликата објавена во медиумите не е Д.Л. односно „Багира“, се наведува во соопштението од МВР на Србија.

Кој е идентитетот на жената на фотографијата која се прослави како наводна ,,Багира”?

Украинските власти тврдат дека Багира која беше фатена, сторила 40 убиства, како и дека се работи за Русинката Ирина Старикова, а не споменуваат иницијали Д.Л од Србија.

Оттаму, снајперистката која била фатена е Ирина Старикова, мајка на две деца, за која се верува дека убила 40 лица, пред нејзините соборци да ја напуштат на бојното поле, откако била ранета. Нејзиното кодно име е Багира, но имаше погрешни информации за нејзиниот вистински идентитет. Таа не е од Србија, како што се тврди во некои медиумски написи, вклучително и во оној што го рецензираме, ниту пак била поранешна калуѓерка.

Старикова е од Доњецк и е мајка на две деца, 11-годишната Валерија и 9-годишната Јулија. Таа служи со руските сепаратисти кои се борат против Киев уште од 2014 година. Била мажена за војник со кодно име Горинич од Белорусија, откако се запознале близу селото Шастије.

Со оглед на тоа што МВР на Србија демантираше дека уапсената Багира е всушност Лазовиќ, бидејќи таа издржува шестгодишна затворска казна во Србија, а и фотографијата од заробената снајперистка не кореспондира со онаа на Лазовиќ, јасно е дека во случајов станува збор за друго лице (Ирина Старикова).

Оттаму, оценуваме дека не е точна информацијата дека уапсената снајперистка со кодно име Багира е Србинката Данијела Лазовиќ, пишува „Вистиномер“.

Сем Алтман смета дека Илон Маск не е среќен човек

Извршниот директор на компанијата „Опен АИ“, Сем Алтман, зборуваше против својот ривал Илон Маск, еден ден откако го отфрли потенцијалниот договор што можеше да ја обликува иднината на вештачката интелигенција. Алтман,...

МОН разви мобилна апликација за родителите да имаат увид во образованието на нивните деца

Родителите и старателите на учениците од сега до електронскиот дневник ќе можат да пристапат и преку мобилна апликација развиена од Министерството за образование и наука (МОН). За новата апликација „Е-дневинк“ денеска на...

Сезона на вештерство во новото продолжение на Диабло 4

Новата сезона на Diablo 4: Season of Witchcraft е седмата сезона од играта која ги имплементира сите најфункционални механики до сега. Самата сезона се занимава со Witchcraft односно „вештерство” како имагинарна...

Македонија 12 места подолу на индексот на перцепција на корупцијата

Со 40 поени од вкупно 100, Северна Македонија годинава се најде на 88. место од 180 земји според најновиот Индекс за перцепција на корупцијата на Транспаренси Интернешнл (ТИ). На скалата каде 0...

Сем Алтман смета дека Илон Маск не е среќен човек

Извршниот директор на компанијата „Опен АИ“, Сем Алтман, зборуваше против својот ривал Илон Маск, еден ден откако го отфрли потенцијалниот договор што можеше да ја обликува иднината на вештачката...