Текстот споделува и документ, односно список на земји членки на НАТО покрај кои стојат кратенки на земјите, по азбучен ред. Ако се прегледа детално документот ќе се забележи дека и кратенките на други земји не соодветствуваат со нивните меѓународни прифатени кратенки, односно кодови. Од МНР објаснија дека според правилата на НАТО, кои се донесени далеку пред нашето членство во Алијансата, за протоколарни потреби земјите се означуваат со целосните имиња, и тоа соодветно на транскрипцијата во англиската азбука, освен кога тоа е технички неизводливо, пишува „Вистиномер“ во својата анализа.
Текстот подолу го пренесуваме во целост:
Пост на Фејсбук тврди дека кратенките МКД и МК заминале во историјата, односно дека НАТО го променил кодот за името на Македонија. Ова не е точно.
Постот со наслов „Кој сака нека честита“, споделува напис во кој се посочува дека НАТО кодот за името на нашата држава е сменет и сега, наместо МКД, стојат само две букви, НМ.
Оваа промена, како што дознава Нетпрес, била на барање на Грција, која побарала НАТО кодот за името на нашата држава, наместо MKD, да биде NMK или RNM. За ова биле информирани и поранeшните министри на Министерството за одбрана, како и Министерството за одбрана, Никола Димитров и Радмила Шекеринска. Но, за тоа молчеле и не ја обелодениле оваа информација во јавноста, иако како држава сме биле официјално информирани, стои во написот.
Текстот споделува и документ, односно список на земји членки на НАТО покрај кои стојат кратенки на земјите, по азбучен ред. Ако се прегледа детално документот ќе се забележи дека и кратенките на други земји не соодветствуваат со нивните меѓународни прифатени кратенки, односно кодови.
На пример, Бугарија е ставена под кратенката БУ иако нејзиниот ISO код е БГ.
Турција исто така е со кратенка ТУ, иако нејзиниот ISO код е ТР.
По ваквите информации, со реакција веднаш се јави и Министерството за надворешни работи, кое објасни дека според правилата на НАТО, кои се донесени далеку пред нашето членство во Алијансата, за протоколарни потреби земјите се означуваат со целосните имиња и тоа соодветно на транскрипцијата во англиската азбука (English Alphanumerical), освен кога тоа е технички неизводливо.
Со цел да не се промени редоследот, земјите – членки се одбележуваат со првите две букви од името на земјата, и тоа, доколку е тоа со еден збор, или со првите букви од двата збора, како во нашиот случај кога името е од повеќе зборови. Целта на ова правило е соодветно да се адаптираат целосните имиња на земјите без притоа да се наруши азбучниот ред на англиски јазик по кој се подредени земјите, што, пак, е исто така правило во рамките на Алијансата. Согласно горенаведеното, за Северна Македонија (North Macedonia) се користи кратенката NM, a соодветно, според азбучниот ред, земјава се наоѓа меѓу Холандија (Netherlands – NE) и Норвешка (Norway – NO). Што се однесува до интерните акти на Алијансата, онаму каде е тоа специфично наведено, се користат кратенките од ISO системот, каде нашата држава редовно е обележана со соодветните ISO кодови – МК и МКД, соопшти МНР.
Точно е дека ISO кодовите за Македонија и понатаму се МК и МКД, што е лесно проверливо.
Значи, тврдењето дека НАТО ги сменило официјалните кратенки на земјава, и тоа по барање на Грција, се лажни, односно кратенките за Македонија и понатаму се истите. Според ова, може да се каже дека постот кој го анализираме е невистинит.
