Откако Државната изборна комисија објави прелиминарни резултати од гласањето во рамки на првиот круг од претседателските избори, лидерот на опозициската ВМРО-ДПМНЕ, Христијан Мицкоски, прогласи изборна победа, што всушност претставува невистинито тврдење од проста причина што бројките говорат нешто спротивно, оценува „Вистиномер.мк“.
„Но, тоа е спротивно на официјалните податоци од спроведените избори, кои покажуваат дека Силјановска – Давкова освоила помал број на гласови во споредба со противкандидатот на владејачката коалиција Стево Пендаровски. Притоа, иста е ситуацијата и во битката за градоначалник на Охрид, каде кандидатот на ВМРО-ДПМНЕ Митре Милошески освои помалку гласови во споредба со неговиот противкандидат од СДСМ Константин Георгиевски. Единствено, ВМРО-ДПМНЕ може да се пофали со победа во првиот круг во Ново Село“, пишува „Вистиномер.мк“.
Целата анализа може да ја прочитате на овој линк.