Полицијата уапси маж кој со нож нападнал и тешко повредил брачен пар во градот Оберхаузен во Западна Германија.
Германскиот државјанин (26) во саботата попладне тешко ранил постари маж и жена додека биле на пикник, соопшти полицијата.
Мажот добил тешки повреди, а жената се наоѓа во критична состојба.
– Една од жртвите пред полицијата изјави дека напаѓачот за време на нападот извикувал „Алаху акбар“, но нема сведоци што можат да го потврдат тоа – соопшти портпаролот на полицијата, Андреас Вилминг Вебер.
Осомничениот, кој бил под дејство на дрога, по полициското испрашување е одведен во психијатриска клиника.