fbpx

(ВИДЕО+ФОТОГРАФИИ) Тетово бара воздух!

-

Жени, мажи и деца денеска во Тетово се собраа да го изразат својот револт против загадувањето на воздухот во и околу градот, пренесе порталот на албански јазик „Портлаб“. Два дена по ред, Тетово е најзагадениот град во Македонија. За оваа состојба, како што велат граѓаните, најголем виновник е „Југохром“, фабрика која работи без филтри. Тие реагираат зошто Владата одлучи да го продолжи рокот за добивање  еколошка дозвола и тврдат дека оваа одлука е алармантна и штетна за повеќе од 300.000 жители во Полошко.

– Се собравме денеска на овој плоштад за да бараме нешто што во другите земји би било апсурд да се бара, а тое е чист воздух. Она што го има создадено господ за сите негови суштества, она без кое ние не можеме. Го бараме воздухот кој е загаден заради алчност на некои поединци, кои создаваат милиони труејќи нè нас. Ние не смееме да дозволиме ова да ни се случува – изјави Аријанит Џафери, претседател на движењето „Еко герила“ кој го организираше денешниот протест.

Граѓаните велат дека воздухот во Тетово е загаден и од многу други фактори и затоа одговорноста не лежи само кај Владата туку и кај локалната самоуправа, која не презема ништо за намалување на аерозагадувањето.

– Воздухот во Тетово не е само загаден од индустриските капацитети, туку и од зголемениот собраќај, урбаниот хаос, кој не дозволува да циркулира воздухот во Тетово и истиот слободно да се проветрува. Досега властите требаше да преземат нешто или да го редуцираат сообраќајот или, пак, да го контролираат градењето во градот – вели Мериат Максути, учесник на протестот.

 

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Доналд Туск: Во ризик сме од војна, Европа не е подготвена

Полскиот премиер Доналд Туск изјави оти смета дека постои огромен ризик од војна и оти никој во Европа нема да се чувствува безбедно доколку Русија победи во Украина, пренесува...