Најмалку 32 лица загинаа, а околу 63 се повредени во напад на плажа во сомалискиот главен град Могадишу, изјави портпаролот на полицијата Абдифатах Адан Хасан. Тој додаде дека некои од повредените се во критична состојба, објави Би-Би-Си.
Од службите за итна помош претходно беше соопштено дека во нападот загинале најмалку осум лица, а 28 се повредени.
Одговорноста за нападот ја презеде терористичката група Ал Шабаб, поврзана со Ал Каеда, пренесе АП.
Д-р Абдикадир Абдирахман изјави за Ројтерс дека службите за итни случаи забележале осум мртви и 28 повредени, но дека бројот „сигурно ќе се зголеми“ бидејќи другите луѓе превезувале жртви.
🚨🇸🇴AT LEAST 32 KILLED IN MOGADISHU BEACH ATTACK
Al-Shabab, an al-Qaeda-linked armed group, claimed responsibility for the attack on Lido beach in Somalia’s capital, Mogadishu.
Security forces rushed to the scene, shooting dead at least 5 attackers while a sixth blew himself… pic.twitter.com/wTRi8j8zWa
— Mario Nawfal (@MarioNawfal) August 3, 2024
Според очевидци и локалните власти, се слушнала експлозија и истрели, а очевидецот Моамуд Моалим за АП изјавил дека го видел напаѓачот врзан со експлозив неколку моменти пред да се разнесе во близина на хотелот, на популарната плажа Лидо.
Сомалиската новинска агенција објави дека безбедносните сили ги „неутрализирале напаѓачите“.
Плажата Лидо и во претходните години беше цел на терористите на Ал Шабаб. Минатата година девет лица беа убиени во нивниот напад на тоа популарно место меѓу населението во Могадишу.
