Поголем број жители на општина Вевчани, како и од струшкото село Поум, се собраа денеска пред седиштето на ЕВН во Струга за да го изразат својот револт поради проблемите со снабдување со електрична енергија во овие населени места.

Вевчанци, со палење на свеќи, со својот познат сатиричен хумор го изразија своето незадоволство и порачаа дека е ова последен повик до ЕВН да ја стабилизира состојбата со електричната енергија, а како главен проблем ја посочија дотраената инсталација.

За Нова година, Вевчанци повеќе од 10 дена немаа струја.