Холандскиот ветеринар, Џуно Ван Зон кој го прегледуваше лавчето наречено Симба во Црна Гора што талкаше низ шумите во околината на Будва во изјава за Мета.мк рече дека не ја отфрла можноста да станува збор за истото лавче што кон крајот на септември минатата година се возеше во луксузните автомобили на кумановци.
Специјалистот за лавови од организацијата за заштита на животни, „Четири шепи“ (Four Paws) по прегледот на лавчето констатира дека се работи за мажјак на возраст од околу 5 месеци кој моментално тежи 29 килограми.
Џуно Ван Зон рече дека во моментот кога лавчето го пронајдоа бројните црногорски активисти кои се ангажираа по јавниот повик на Агенцијата за заштита на животна средина во Црна Гора, било многу исцрпено и дехидрирано.
„Лавчето беше многу слабо и дехидрирано, долго време немало адекватна исхрана и затоа не ја отфрлам можноста постои шанса и да е малку постаро“, рече ветеринарот.
Тој, исто така рече дека со специјална анализа на фотографиите кои ги споделуваа кумановци на социјалните мрежи, преку софтвер може да се утврди дали лавчето е истото со тоа од што се појави во С. Македонија.
Агенцијата за заштита на животната средина на Црна Гора пред два дена поднесе кривична пријава до Специјалното државно обвинителство против неидентификувани лица кои по службена должност се гонат за шверц на лавови.
Агенцијата појасни дека членот 265 од Кривичниот законик на Црна Гора предвидува дека тој што се занимава со пренос на стока преку царинската линија со избегнување мерки за царинска контрола или кој со избегнување на мерките за царинска контрола, вооружен, групно или употребувајќи ја префрла стоката преку царинската линија. сила или закана, ќе се казни со затвор од шест месеци до пет години и парична казна.
„Понатаму, членот 311 предвидува дека тој што ќе украде заштитено природно добро ќе се казни со затвор од една до шест години, а ако заштитеното природно богатство е одземено со разбојништво или разбојништво или ако вредноста на украденото заштитено природно богатство надминува триесет илјади евра. , сторителот ќе се казни со затвор од пет до петнаесет години“, соопштија на нивната Фејсбук страница.
Тие додаваат дека членот 312 од Кривичниот законик предвидува дека тој што спротивно на прописите ќе извезе или извезе или увезе или внесе во Црна Гора заштитено природно богатство или посебно заштитено растение или животно, ќе се казни со затвор од три месеци до три години.
„Постојат основи на сомнение дека делото го извршиле повеќе сторители, а вредноста на ова егзотично и заштитено животно неофицијално се проценува на околу 200.000 евра“, велат од агенцијата.
Тие апелираа до надлежните органи да го решат проблемот со шверцот на животни и да ги стават на располагање сите свои ресурси, со цел одговорно и одржливо да му пристапат на овој децениски проблем.
Директор на Агенцијата за заштита на животната средина Милан Газдиќ, во изјава која ја пренесе црногорскиот портал Вијести, изрази загриженост дека присуството на лавови и сета оваа ситуација покажува дека Црна Гора не го заобиколила црниот пазар на нелегална трговија со животни.
Тој нагласи дека надлежните органи мора да утврдат кој го донел лавот. „Ако тоа не се случи, ништо не сме успеале да направиме во оваа ситуација“ рече Газдиќ.
Црногорската полиција сѐ уште истражува точно кој го чувал лавчето пред да биде пуштено во шумите, а и од каде е донесено.
Црногорските активисти исто така ја разгледуваат можноста да се направи и ДНК анализа на лавицата Кијара од Зоолошката градина Палиќ во Војводина за да се утврди и дали Симба потеквува од леглото лавчиња кое ноќта меѓу 17 и 18 јули исчезна без никаква трага.
Откако Мета.мк почна интензивно да известува за шверцот со лавови кај нас полицијата приведе едно лице од Куманово против кое е поднесена кривична пријава за чување и отуѓување на диво животно, но до денес нашата редакција не доби информација од каде и како стаса Симба кај нас, каде го снема, и кој е одговорен за тоа.
