fbpx

Весниците на „МПМ“ објавија текстови за СЈО потпишани од редакциите, а не од новинарите

-

Насловните текстови на трите весници на „МПМ“, „Дневник“, „Утрински весник“ и „Вест“ кои се однесуваат на прес-конференцијата на Специјалното јавно обвинителство денеска се објавени без да се наведат авторите на написите.

Авторите се изоставени и во печатеното и во електронското издание, а текстовите се потпишани со П.Р. (Политичка рубрика) и Р.Д. (Редакција „Дневник“). Станува збор за текстови кои се однесуваат за случајот „Тортура“, односно апсењето на Љубе Бошкоски во 2011 година.

MPM Vesnici

Во „Дневник“ под еден над наслов „Неписменоста на СЈО стана легендарна“ се објавени два текста: „Ристовска: За снимките на Ермира и Ахмери ќе чекаме пријава“ и „КЗ: Се гони по службена должност“ и двата текста се потпишани со Р.Д., а исто така се потпишани и текстовите „СЈО отвори случај за апсењето на Љубе Бошкоски“, со над наслов „Нов театрален настап“ и написот „Аневски: Ако не дојде Јанева, нема да ги добие предметите за „Маѓар Телеком“ и за Верушевски“.

Насловниот текст на „Утрински весник“ „Прва истрага за изречени пцости во Македонија“, исто така е потпишан од редакцијата, а истото е направено и со текстовите „Што стои во засписникот при апсењето на Љубе Бошкоски“, „’Маѓар телеком’ и ’Шпион’ кај СЈО“, кој во моментов не се достапни на интернет изданието.

Во весникот „Вест“, главниот текст, „Тортура на албански“, кој се наоѓа на насловната страница, како и во останатите два весника на „МПМ“, не е потпишан од авоторот, туку од Редакцијата.

Инаку овој наслов и текст предизвика многу реакции на социјалните мрежи, а со осуда реагираше и Советот за етика на медиумите, според кој, „Вест“ манипулира и ја извртува вистината.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...