Православните верници вечерва на полноќ ќе го одбележат Христовото воскресение, кога почнува еден од најголемите христијански празници, Велигден. Вечерва се оди во црква, каде што се носи црвено јајце.
Христијаните денеска ја слават Велика сабота, ден на свештен трепет пред Христовото воскресение.
На полноќ сите присутни со песната „Христос воскресе” трипати ја обиколуваат црквата. Во црква се останува за големата литургија, а потоа се причестува, се кршат јајцата и се омрсува.
Од времето на страдањето на Господ Исус Христос на крст на Голгота, секоја Велика сабота е исполнета со исчекување на благодатта на неговото воскресение.
На Велигден, верниците си подаруваат едни со други рака на помирување, со традиционалниот поздрав „Христос воскресе” и „Вистина воскресе“.
