Ако претседателот Ѓорге Иванов ја сфати штетата што ја направи со аболицијата, досега ќе ја повлечеше одлуката и ќе си поднесеше оставка, смета претседателот на Либерална партија, Ивон Величковски.

„Партиите потписнички на Договорот од Пржино треба да спроведат постапка за импичмент. Иницијативата за повлекување на аболицијата треба да биде само една од точките за излез од тековната криза. Исто така, треба да има заедничка иницијатива од СДСМ, ДУИ, ВМРО-ДПМНЕ и од ДПА за одложување на изборите и јавна поддршка за Специјалното јавно обвинителство од сите потписници на Договорот од Пржино“, смета Величковски.

Според него, излезот од политичката криза може да се оствари само со паралелно спроведување на овој пакет мерки.