Вакцините против Ковид-19 не предизвикуваат ХИВ и нема докази дека вирологот Монтање го тврдел тоа

-

На некои „Фејсбук“ страници се дистрибуира дезинформација дека покојниот француски виролог Лик Монтање наводно предложил луѓето кои ја примиле третата доза од вакцината Ковид-19 да се тестираат за ХИВ. Нема докази дека вирологот Монтание го рекол ова, а пак третата доза од вакцината не може да предизвика ХИВ, пишува Порталб.мк.

Текстот подолу го пренесуваме во целост:

Треба да се истакне фактот дека познатиот француски виролог, Лик Монтање кој наводно изјавил нешто околу бустер, односно за третата доза на вакцините за Ковид-19, почина на 8 февруари годинава.

„Почитувани пријатели, сите кои сте ја примиле третата доза од вакцината пред повеќе од 6 месеци, ве советувам да се тестирате за СИДА. Во мемето што кружи на социјалните мрежи и во разговорите на Телеграм, се гледа лицето на Монтание и текстот: Оние кои ја земале третата доза треба да одат во лабораторија и да се тестираат за СИДА. Резултатот може да ве изненади“, пишува во постот што го рецензираме.

Иако во написот што го рецензираме оваа изјава му се припишува на вирологот Монтание, нема никакви докази дека вирологот всушност го изјавил ова, дури и новинарите на Ројтерс не успеале да откријат каде Монтање го изјавил тоа, и затоа Ројтерс ја има квалификувано како дезинформација.

Според експертите, не постои можност вакцините што се користат против Ковид-19 да предизвикаат ХИВ, СИДА (синдром на недостаток на  стекнат имунитет, името дадено на болеста што произлегува од ХИВ).

„Не постои веродостоен механизам со кој вакцините против Ковид-19 (или всушност, која било вакцина) може да предизвикаат ХИВ или СИДА“, рече д-р Бнар Талабани МБЕ, лекар и истражувач од Кардиф, и водич за иницијативата Тим Хало што се однесува на загриженоста за вакцинација против Ковид-19.(teamhalo.org/).

Докторот Талабани додал дека „нема ниту еден доказ за поддршка на ова тврдење и тоа е многу добар пример за тоа како се создаваат дезинформации за да се заплашат луѓето, со цел да се спречат да земаат вакцини кои се докажани како безбедни во речиси 10 милијарди дози дадени ширум светот, до денес“.

„Вакцините воопшто, вклучително и вакцините за Ковид-19, не можат да предизвикаат СИДА/ХИВ или да не направат поподложни на заразување со овој или кој било друг вирус“, додал Талабани за Ројтерс.

Ниту една вакцина против Ковид-19, одобрена за администрирање, нема врска со ХИВ, навел Амеш Адаља, виш истражувач во Центарот за здравствена безбедност Џон Хопкинс.

Тој за „Ројтерс“ додал дека „Ниту една од постојните комерцијално достапни вакцини не произведува меѓусебна реакција со тестовите за ХИВ, така што нема причина да се мисли дека вакцинацијата против коронавирус или засилената вакцинација (трета доза) предизвикува лажно позитивни тестови на ХИВ“. Адаља додал дека ниту една вакцина достапна на пазарот за Ковид-19, како и бустер дозите, не содржат компоненти за ХИВ.

Иако вирологот Монтање (на кого му се припишува изјавата што ја разгледуваме) пред неговата смрт ширел научно не поддржани теории за пандемијата Ковид-19, не може да се најде ниту едно интервју или напис каде тој ги советувал луѓето кои ја примиле третата доза од вакцината да се тестираат за ХИВ.

Сепак, во телевизиско интервју емитувано на 17 април 2020 година, Монтање тврдел дека САРС-КоВ-2, вирусот што предизвикува Ковид-19, содржел ХИВ секвенци, но оваа теорија веднаш беше отфрлена од научната заедница.

Инаку, Монтање подоцна тврдел дека вакцините против Ковид-19 предизвикуваат нови варијанти на вирусот, но здравствените експерти од Светската здравствена организација (СЗО) изјавија дека нема доволно докази за да се поткрепи тврдењето на Монтање.

Дебата: Студентите бараат да се државен приоритет и надлежните да ги решаваат нивните проблеми

Студентите во Северна Македонија и понатаму се соочуваат со бројни проблеми, како што се студентскиот стандард, проблемите со јавниот превоз, лошите услови во студентските домови, неможноста за работа. Тие оценуваат дека...

Доналд Трамп прогласен за личност на годината на Тајм

Магазинот „Тајм“ (Time Magazine) го прогласи Доналд Трамп за личност на годината по втор пат, пренесува Би-Би-Си. „За враќање од историски размери, за водење политика која се случува еднаш во многу години,...

ЦГК: Општините и министерствата заедно трошат за адвокатски услуги повеќе од 2 милиони евра годишно

Во 2023 година, општините и Град Скопје потрошиле 67.269.053 денари (1,1 милион евра) за адвокатски услуги, додека, министерствата исплатиле 62.428.934 денари (1 милион евра), покажува истражувањето за исплатите за адвокатски услуги...

Џо Бајден им ги намали казните на 1500 осуденици, помилува уште 39 лица осудени за ненасилен криминал

Претседателот на САД Џо Бајден им ги ублажи казните на околу 1.500 лица кои биле ослободени од затвор и ја отслужуваат казната дома уште од времето на ковид пандемијата и помилува...

Дебата: Студентите бараат да се државен приоритет и надлежните да ги решаваат нивните проблеми

Студентите во Северна Македонија и понатаму се соочуваат со бројни проблеми, како што се студентскиот стандард, проблемите со јавниот превоз, лошите услови во студентските домови, неможноста за работа. Тие...