Министерството за одбрана на Обединетото Кралство го изготви новиот брифинг за разузнавачките информации за она што се случува во Украина и истиот се фокусира на платеничката група Вагнер, пренесува „Гардијан“.
Во извештајот, меѓу другото, се вели дека„ речиси е сигурно дека групата сега командува со до 50.000 борци во Украина и стана клучна компонента на украинската кампања“.
Британското министерство за одбрана вели дека Вагнер доживеала извонредно брз развој, наведувајќи дека Евгениј Пригожин признал дека го основал Вагнер во септември 2022 година, додека во октомври отворил седиште во Санкт Петербург.
Latest Defence Intelligence update on the situation in Ukraine – 20 January 2023
Find out more about the UK government's response: https://t.co/5z9U167MxU
🇺🇦 #StandWithUkraine 🇺🇦 pic.twitter.com/johkRTuMp8
— Ministry of Defence 🇬🇧 (@DefenceHQ) January 20, 2023
Се наведува дека паравоената група формално била регистрирана како правен субјект на 27 декември, според рускиот државен регистар. Како основна дејност групата назначила „консултации за менаџмент“, без да се споменат борбени служби.
Британското разузнавање вели дека Пригожин веројатно ја финансирал организацијата делумно со надуени владини договори доделени на неговите други компании.
„Регистрацијата најверојатно има за цел да ја максимизира комерцијалната добивка на Пригожин и дополнително да ја легитимира организацијата со сè повисок профил“, се наведува во извештајот на британското разузнавање.
