fbpx

Увид на местото на убиството во Боговиње: Обвинителите го нашле оружјето од кое е пукано

Убиството се случило во 10.15 часот утрово, а 15 минути подоцна, осомничениот М.М. бил уапсен на улица „Цветaн Димов” во Тетово додека го управувал своето „БеЕмВе“ во кое била пронајдена автоматска пушка

-

Осомничениот 50-годишен убиец од тетовското село Боговиње е уапсен, а пронајдена е и пушката со која тој пукал во неговиот сограѓанин А.Џ. (47) од истото село. Пукањето, според првичните информации на обвинителството, се случил во угостителски објект во Боговиње, каде двајцата имале вербална расправија. Во ресторанот имало и други лица во моментот кога се случило убиството.

„Сторителот е идентификуван и лишен од слобода, а кај него е пронајдено и оружјето со кое го извршил делото“, соопшти ОЈО. Издадена е и наредба за обдукција на телото на починатиот, како и наредба за прибирање и вештачење на траги од лице место. Ќе се вршат разговори со сведоци на настанот и со други лица.

Според информациите на СВР Тетово, убиството се случило во 10.15 часот утрово, а 15 минути подоцна, осомничениот М.М. бил уапсен на улица „Цветaн Димов” во Тетово додека го управувал своето „БеЕмВе“ во кое била пронајдена автоматска пушка.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Жена од кочанско Оризари пронајдена удавена во канал за наводнување

Осумдесет и деветгодишна жена од селото Оризари, Кочанско, утрово била пронајдена удавена во канал за наводнување во близина на селото, информираше Министерството за внатрешни работи (МВР). Удавената жена ја пронашол...