Утре во 14 часот на граничниот премин Табановце, премиерот Зоран Заев ќе ја пречека делегацијата предводена од претседателот на Република Србија Александар Вучиќ со која ќе пристигне и првата пратка на вакцини.
Премиерот Заев заедно со министерот за здравство, Венко Филипче и претседателот Вучиќ ќе дадат кратки изјави за медиумите на граничниот премин.
Инаку, официјално од денеска е пуштена во употреба веб страницата за регистрација за вакцинирање, која вчера ја најави министерот за здравство, Венко Филипче.
Поради голем интерес на јавноста, веб-страницата функционира со виртуелна чекална, односно секој посетител чека десетина минути пред да влезе во самиот систем за пополнување на податоци и изразување интерес за вакцинација.
