Балканската мрежа за развој на граѓанско општество утре во хотелот „Парк“ во Скопје организира регионалната конференција на тема „Улогата на граѓанските организации во унапредување на просторот за нивно дејствување“. Конференцијата е поддржана од програмата „Цивика мобилитас“.
На настанот, претставници од реномирани граѓански организации од Македонија, Европа и од светот ќе споделат свои искуства и ќе дискутираат за тоа како да се унапреди просторот за дејствување на граѓанските организации.
Воведен говор ќе има генералниот секретар на Глобалната алијанса на граѓански организации „Цивикус“, Дхананџајан Сивагуру Срискандараџах.
Целта на конференцијата е преку размена на добри практики од регионот и од Европа за унапредување на работната средина за граѓанските организации, подобрување на сопствената отчетност и за зголемување на соработката во самиот граѓански сектор, да се поттикнат граѓанските организации да бидат поактивни и поефективни во унапредување на просторот за нивно дејствување.
