Договор меѓу политичките партии потписници на Договорот од Пржино најверојатно ќе има утре, дознава „Мета“ од извори во работните групи.

Прашањето за избирачкиот список е речиси договорено.

Има само мали несогласувања околу начинот на гласањето на дијаспората.

Граѓанската организација МОСТ била повикана на денешната средба на работните групи за да направи презентација на можноста за активна регистрација на гласачите.

– Бевме само повикани да ги презентираме нашите ставови околу активната регистрација. Нашата улога е консултативна. Кога завршивме со презентацијата, ја напуштивме средбата – изјави Дарко Алексовски, претседател на МОСТ.

Утре, во 15 часот е закажана уште една средба на работните групи, со што би требало да се затвори делот за избирачкиот список, ингеренциите на ДИК и гласањето на дијаспората.