fbpx

Утре ќе се протестира пред општина Струга, активистите бараат велосипедска патека Струга-Охрид

-

По трагичната несреќа на регионалниот пат Струга-Охрид, во која животот го загуби 17-годишно момче додека возеше велосипед, „Велосипедскиот клуб“ од Струга утре во 12:00 часот ќе протестира пред општина Струга и притоа ќе бараат реализација на нивните три барања со цел да се спречат други можни трагедии на овој пат, кој според нив е опасен, а општинските власти никогаш не презеле мерки за ова, пишува Порталб.мк.

На 7 март годинава, 17-годишно момче-велосипедист загина на регионалниот пат Струга-Охрид, во делот што главно го користат граѓаните за пешачење и возење велосипед.

На 07.03.2021 година во 11:00 часот во СВР-Охрид било пријавено дека на регионалниот пат Струга-Охрид автомобил „мерцедес“, со кое управувал К.П. (21) од Струга повредил 17-годишен велосипедист. Поради сериозни повреди од несреќата, 17-годишниот велосипедист починал на местото на настанот“, соопшти СВР-Охрид.

Овој трагичен настан ги натера членовите на „Велосипедскиот клуб“ од Струга да преземат нешто, и преку протест да побараат од општина Струга решавање на проблемот со овој пат. Протестот ќе се одржи утре (сабота) со почеток во 12:00 часот, пред општина Струга.

Еден од организаторите на протестот, Бетим Ибраими, за Порталб.мк истакна дека за жал требаше да се случи трагедија за да се направи обид општинските власти да се „разбудат“ и да го поправат овој опасен пат.

„Имаше неколку случаи на незгоди или сме биле вклучени и ние самите, и мораше да се случи нешто трагично, како што се случи пред една недела кога 17-годишно момче беше смртно повредено. Затоа ние како „Велосипедски клуб“ од Струга заедно со другите пријатели, решивме да организираме протести, свесни сме дека не е само општина Струга вклучена во изградбата на патот, тука се и општина Охрид, општина Дебарца и ЈП „Македонија пат“, но ова е само наша почетна точка во оваа насока, или првиот камен што ќе биде фрлен“, вели тој.

Кои се барањата на протестантите?

  1. Да се преземат активности за проширување на патот Струга-Охрид, бидејќи претставува опасност за велосипедистите и пешаците.
  2. Да се ​​изгради велосипедска лента Струга-Охрид со инфраструктура, како што е изградена од другата страна на границата (Лин-Поградец).
  3. Полициско присуство за време на викендот, кога сообраќајот на велосипеди е поголем.
  4. Општина Струга да соработува со општина Дебрца, општина Охрид и ЈП „Македонија пат“ и да најде решенија за овој проблем.

Воспоставена е и „Иницијатива за проширување на патот Струга-Охрид“.

На социјалната мрежа „Фејсбук”, некои активисти од Струга отворија страница на Иницијативата за проширување на патот Струга-Охрид, преку која, имаат за цел да вклучат што е можно повеќе луѓе, и притисокот врз властите да биде што е можно поголем и да се најде решение за конкретниот случај.

Инаку според организаторите на овој протест, ова не е прва или единствена несреќа на овој патен правец. Во минатото, постојано имало несреќи каде што загинале или биле повредени пешаци и велосипедисти.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...