fbpx

Уставниот суд на 27 декември ќе одржи прва седница по изборите, СЈО не е на дневен ред

-

Првата седница по предвремените парламентарни избори, на која уставните судиите ќе разгледуваат иницијативи за оценка на уставноста и на законитоста, ќе се одржи на 27 декември.

Според агендата за седницата, што Уставниот суд денеска ја објави на својата интернет-стрница, на дневен ред повторно не е ставен Законот за Специјално јавно обвинителство.

На дневниот ред на седницата на Уставниот суд има вкупно седум точки, меѓу кои се и членови од Законот за средно образование, кои се однесуваат на екстерното тестирање, како и членови од правилникот за начинот на организирање и спроведување на екстерното проверување на учениците во средните училишта, начинот на формирање и работење на училишната комисија, тајноста на материјалот за екстерно проверување, начинот и постапката на проверување на тестовите од училишната комисија, како и формата и содржината на извештајот.

Инаку, иницијативата за оценување на уставноста и на законитоста на Законот за СЈО повеќе од една година е во фиоките на Уставниот суд и досега не е ставен на дневен ред и покрај бројните повици од опозицијата и од невладиниот сектор.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...