Уставните судии на денешната седница ги укинаа измените на Законот за помилување од 2009 година, со што му се даде можност на претседателот на државата да помилува педофили, нарко-дилери и лица осудени за изборен криминал, се дознава неофицијално.
Новинарите се веќе собрани пред судот, каде наскоро ќе почне брифинг, на кој се очекува и официјално да се потврди информацијата.
Граѓаните што вчера и утринава протестираа пред Уставниот суд веќе се разотидени. Шаторите поставени околу судот се празни, но сè уште се забележува зголемено присуство на полиција.
