Вработената негователка во градинка во Велес е огласена за виновна бидејќи на децата им давала да пробаат електронска цигара, соопшти денеска Основното јавно обвинителство (ОЈО). Како што информираат оттаму, Судот ѝ изрекол условна осуда.
„Освен тоа, изречена ѝ е и споредна казна – забрана за вршење професија дејност или должност во траење од 5 години по правосилноста на пресудата. Надлежниот јавен обвинител поднесе жалба на пресудата поради одлуката за кривичната санкција“, наведено е во соопштението на Обвинителството.
Постапувајќи по поднесено обвинение од Основното јавно обвинителство Велес, Основниот суд во Велес донесе првостепена пресуда против негователката во градинка – Злоупотреба на службената положба и овластување 353 став 5 во врска со став 1 од Кривичниот законик.
