Четвртиот голем ураган оваа година – Марија, кој се засили, преминувајќи во петта категорија, ги погоди карипските острови Гвадалупе и Доминикана. Предупредување е издадено и за Порторико и за Девствените Острови, каде се подготвени 450 засолништа за околу 68.000 луѓе, јавуваат светските медиуми.
Ветровите дуваат со околу 260 километри на час, а ураганот Марија се движи по речиси истата рута како и ураганот Ирма и би можел да предизвика голема штета во и онака уништеното подрајче, низ кое пред десетина дена помина Ирма, при што загинаа повеќе од 80 луѓе.
Премиерот на Доминиканската Република, Рузвелт Скерит, на „Фејсбук“ објавил дека ветерот го однел покривот од неговата куќа, која се целосно поплавена.
Блискиот остров Мартиник прогласи тревога од највисок степен, додека на Гвадалупе е наредена евакуација на жителите.
Метеоролозите предупредуваат дека силниот дожд, предизвикан од ураганот, може да предизвика поплави опасни по живот.
