Кубанските власти работат на обновување на струјата во земјата со 11 милиони жители откако ураганот Иан го зафати западниот регион со силни ветришта и опасно невреме, што предизвика затемнување на целиот остров, пренесе Си-ен-ен.
Целата Куба остана без струја откако Иан со налети на ветар до 250 километри на час предизвика огромни штети и поплави.
TROPICAL UPDATE: @NOAA‘s #GOES16🛰️ is monitoring the movement and #lightning with major #Hurricane #Ian this afternoon. Its winds have increased to 120 mph as it continues to push through the Gulf of Mexico. Latest: https://t.co/tVU2sBnFSx #FLwx pic.twitter.com/ChFpLd7j4y
— NOAA Satellites – Public Affairs (@NOAASatellitePA) September 27, 2022
Државниот Национален електричен систем на земјата ја исклучи струјата во главниот град Хавана за да избегне струен удар, смртни случаи и материјална штета додека не се подобри времето. Сепак, невремето предизвика замрачување на целата земја по што, според државниот информативен канал ТелеПинар, властите почнаа евакуација на повеќе од 38.000 жители од нивните домови во провинцијата Пинар дел Рио.
Во САД, Националниот центар за урагани (НХЦ) соопшти дека Иан најверојатно ќе удри јужно од Тампа, во сојузната држава Флорида, во близина на Сарасота, каде што има долги песочни плажи и многубројни одморалишта. Аеродромите во областа Тампа се затворени од вторникот попладне по локално време, додека други низ Флорида најавија голем број откажувања на летови.
На повеќе од 2,5 милиони жители на Флорида им е наредено или се предупредени да се евакуираат додека ураганот Иан се движи кон нив со ветер со брзина до 200 километри на час. Се очекуваат високи бранови, поплави и силни ветрови.
