Министерството за образование објави дека првото електронско пријавување за упис во средно образование во учебната 2025-2026 година ќе биде од 14 до 17 јуни, а второто на 30 јуни. Конечните ранг листи по двете пријавувања, училиштата ќе ги објават на 2 јули. Како и во изминатите учебни години и годинава учениците ќе треба да достават и хартиени документи до училиштата, а МОН вели дека се прават напори од следната учебна година процесот целосно да се дигитализира.
Министерката за образование и наука Весна Јаневска изјави дека општините имале обврска да направат анализа на пазарот на трудот и да го известат Министерството за кадарот кој им е потребен. Врз основа на тоа бил креиран конкурсот, кој е објавен на веб страната на Министерството и во печатените медиуми.
Полагањето на државната матура оваа година делумно ќе се организира во холовите и спортските сали во училиштата, а дел од учениците ќе полагаат во амфитеатрите на најблиските факултети.
