fbpx

Украинската делегација пристигна на разговори со Русија, ЕУ и Г7 ќе ги блокираат трансакциите на руската Централна банка

-

Кабинетот на претседателот на Украина Володимир Зеленски потврди дека украинската делегација пристигнала на украинско-белоруската граница на разговори со Русиjа за евентуален прекин на огнот.

Според руската државна агенција РИА Новости, преговорите меѓу Русија и Украина за границата почнале во 10 часот по средноевропско време, а членовите на украинската делегација пристигнале со хеликоптер.

Руските сили ноќеска зазедоа два мали града во југоисточна Украина и областа околу нуклеарната централа Запорожје, објави новинската агенција Интерфакс, но наишле на силен отпор на други места додека истовремено се продлабочи дипломатската и економска изолација на Москва, пренесе Ројтерс.

Руското Министерство за одбрана соопшти дека нивните сили ги зазеле градовите Бердјанск и Енерходар во југоисточниот украински регион Запорожје, како и областа околу нуклеарната централа Запорожје.

Украина негираше дека нуклеарната централа паднала во руски раце, според новинската агенција.

Како што пишува Ројтерс, додека западните влади собраа поголема поддршка за санкциите против Москва, дипломатските маневри продолжија со приклучување на Ватикан во напорите за ставање крај на конфликтот нудејќи се како олеснувач на дијалогот меѓу Русија и Украина.

Министрите за надворешни работи на Европската Унија синоќа се договориле, со согласност на Групата седум индустриски најразвиени земји во светот (Г7), да ги блокираат трансакциите на руската Централна банка, соопшти високиот претставник на ЕУ за надворешна политика и безбедност Жозеп Борел.

Политичкиот договор, според Борел, го отвора патот за спроведување на мерките веќе од денеска. Тој додаде дека повеќе од половина од резервите на Централната банка на Русија се наоѓаат во банките на земјите од Г7 и оти тие резерви ќе бидат блокирани.

Во меѓувреме, како шта јавуваат руските медиуми, граѓаните на Белорусија на референдумот вчера гласале за промена на уставот, со кој се одобрува предлогот за откажување од ненуклеарниот статус.

Според британскиот Гардијан, овој потег теоретски ќе ѝ дозволи на Русија да распореди нуклеарно оружје на белоруска територија за прв пат по распадот на Советскиот Сојуз, а одлуката за референдумот ќе стапи на сила десет дена откако ќе биде објавена во Службениот весник.

Воената агресија врз Украина трае веќе пет дена.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...