Изградба на живинарска фарма најави украинската компанија „Семинога“ на средбата на Здружението на трговија и Здружението на земјоделство и прехранбена индустрија при Стопанската комора на Македонија со претставниците од амбасадата на Украина.
Украинската компанија „Семинога“ е еден од најголемите производители на пилешко месо како суровина за месната индустрија во Украина. Поседува четири фарми, своја кланица, производство на добиточна храна и околу 10.000 хектари со житни култури. Намерата на оваа компанија е да почне со производство на пилешко месо за потребите на македонскиот пазар, и тоа 7.500 до 8.000 тони годишно.