fbpx

Украина и Молдавија ќе започнат со преговори за членство во ЕУ

Сите земји членки го одобрија отворањето на преговорите, што значи дека Унгарија го повлекла своето вето за члнество на Украина

-

Амбасадорите на земјите-членки на Европската Унија (ЕУ) се согласија формално да започнат евроинтеграциските преговори за Украина и Молдавија. Преговорите ќе започнат на 25 јуни, пренесува Ројтерс.

Отворањето на преговорите значи дека Унгарија го повлекла своето вето за членство на Украина во ЕУ. Ставот на Унгарија, која има блиски односи со Русија, досега беше дека Украина не ги исполнува потребните услови за да започне преговори за влез во ЕУ.

Европската Комисија минатата недела потврди оти Украина ги исполнува сите услови за да стане членка на ЕУ.

„Благодарен сум на сите во нашиот тим кои неуморно работеа за да го реализираме овој историски чекор. Милиони Украинци ќе имаат прилика да остварат својот европски сон. Украина се враќа во Европа, каде што и припаѓа со векови, како полноправна членка на европската заедница“, објави украинскиот претседател Володимир Зеленски на социјалната мрежа Х.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(Видео) Пожарникарите и цивилите заробени на Огражден се евакуираат со хеликоптер

Градоначалникот на Општина Ново Село, Ѓорѓе Божинов, пожарникари од струмичката противпожарна бригада и неколку граѓани попладнево се нашле опколени од огнените јазици на планината Огражден каде што во моментов...