Украина ги договорила условите на големиот договор за минерали со САД, изјавил висок функционер во Киев за Би-Би-Си.
„Навистина го договоривме со голем број амандмани и овој договор го гледаме како позитивен исход“, рекол функционерот, без да даде дополнителни детали.
Медиумите наведуваат дека Вашингтон ги отфрлил првичните барања за право на 500 милијарди долари (395 милијарди фунти) од потенцијалниот приход од користењето на природните ресурси, но не дал цврсти безбедносни гаранции за разурнатата Украина – клучно украинско барање.
Американскиот претседател Доналд Трамп рече дека очекува неговиот украински колега Володимир Зеленски во Вашингтон да го потпише договорот оваа недела, откако двајцата лидери разменија силни зборови еден за друг.
