Најмалку 25 лица починаа од свински грип во Украина од почетокот на сезоната на грипот, соопшти денеска директорката на државниот центар за грип, Тетјана Дихановска, без да прецизира кога точно почнала сезоната на грип.
Министерот за здравство, Александар Квиташвили, вчера изјави дека свинскиот грип не е доволно раширен за да се смета за епидемија.
Ерменија, исто така, вчера соопшти дека во земјата постојат случаи на заболени од свински грип, кој во последните два месеци однесе 10 животи, но дека тој број не укажува оти има епидемија.