Времето денес ќе биде претежно облачно со врнежи од дожд, кои попладне во западните делови ќе бидат пообилни – над 40 литри на метар квадратен, соопштија од Управата за хидрометеоролошки работи (УХМР).
Од таму информираат дека ќе дува засилен јужен ветер, кој во текот на ноќта ќе го промени правецот во северен – над 70 километри на час.
Најавуваат дека врнежите од дожд најпрвин на планините ќе преминат во снег и ќе се формира снежна покривка.
„Во текот на ноќта и во утре претпладне врнежи од снег ќе има и на некои пониски места особено во западните делови каде ќе се формира помала снежна покривка“, велат од УХМР.
Во Скопје денес времето ќе биде претежно облачно и ветровито со врнежи од дожд, повремено пообилни. Во текот на ноќта со засилен северен ветер ќе има услови во повисоките делови од котлината врнежите од дожд да преминат во снег со слаб интензитет.
