Денес угина Инес, единствениот јагуар кој го имаше скопската Зоолошка градина. Од длабока старост, не ја издржа битката од најлошата болест која што може да ја добие едно животно.
Од Скопската Зоолошка информираат дека женскиот јагуар долго време се борела со метастазиран канцер и тумори на повеќе органи.
Изминатиот период, Зоолошката градина заедно со Факултетот за ветеринарна медицина направиле се што можеле за подобрување на благосостојбата на јагуарката и олеснување на здравствените проблеми преку стручни прегледи, анализи и компјутерска томографија до лекување на оваа страшна болест која одзема милиони жртви годишно, како кај луѓето, така и кај животните.
Јагуарката Инес имала 22 години, а просечниот животен век на овие мачки во природата е од 12-15 години, додека во зоолошките градини најстарите животни доживуваат и до 23 години живот.
