Европската фудбалска федерација почна истрага за кршење на финансискиот фер плеј против пет тимови, но ја проширува својата истрага и врз други клубови.
Истрагата е покрената против Хал, Спарта од Прага, Лион, Рух и Волфсбург. Тимовите ќе мора да ги испратат своите документи во седиштето на европската федерација, но за нив засега не се изречени никакви санкции.
УЕФА, исто така, ја прошири истрагата и против Ливерпул, Монако, Рим, Интер, Бешикташ, Спортинг и Краснодар.
Минатата сезона, УЕФА казни голем број клубови кои трошеа премногу пари за трансферите и за плати на играчите. Со казните најтешко беа погодени Манчестер сити и Париз Сен Жермен, кои мораа да платат повеќе од 50 милиони евра, но истовремено им се ограничени и средствата кои можат да ги потрошат на засилување со нови играчи. Исто така, тие мораа да го намалат бројот на играчите во тимот за Лигата на шампионите.