Вчера, во 6.20 часот, во населбата Пинтија во Скопје, на крстосницата од булеварот Борис Трајковски и улица која води кон фирмата „Мак тренд“, се случила сообраќајна незгода во која П.Ј. (1954) од Скопје, управувајќи возило „фолксваген кеди“ со скопски регистерски ознаки, удрил во пешакот Живојин К. (1945) од Скопје.
По несреќата, со возило на Брза помош, пешакот е пренесен во Ургентниот центар, каде им подлегнал на повредите.
Увид на местото на несреќата извршила увидна екипа од СВР-Скопје.