Шест лица, од кои три деца биле убиени во пукање во основно училиште во Нешвил. Три од жртвите се на возраст од осум и девет години, возрасните жртви се на возраст од 60 и 61 година. Полицијата информира дека во децата пукала 28-годишната Одри Хејл, која беше убиена од полицијата.
Според информациите од полицијата, Хејл била поранешна ученичка во училиштето. Во нејзиниот дом било пронајдено оружје, но и план за идни напади. Инаку, училиштето е приватно христијанско училиште за ученици на возраст од три до 11 години.
По пукањето, претседателот Џо Бајден ги обнови повиците до Конгресот да преземе мерки.
