Уапсени се четири лица за кои постојат сомневања дека имаат врска со Мохамед Булел, кој во Ница усмрти 84 лица.
Француската полиција и на почетокот на викендот врши рации низ целата земја во обидот да пронајде нови докази во врска со нападот што се случи во четвртокот.
Мохамед Булел е идентификуван како вршител на нападот и официјално е потврдено дека го возел камионот со кој усмрти 84 лица за време на прославата на Денот на Бастиља.
Вчера приведена беше и поранешната сопруга на Булел, а беше пребаран и неговиот стан во кој се пронајдени „одредени компјутерски материјали“.
Француските власти и понатаму се обидуваат да утврдат дали возачот на камионот дејствувал сам или имал помагачи, како и дали бил поврзан со радикален ислам.
Извори од полицијата велат дека уапсените припаѓаат на „најблискиот круг“ на напаѓачот, како и дека апсењата се изведени на две различни локации во Ница.