Вкупно 7.543 лица досега се уапсени, меѓу кои 6.038 војници, под сомневање за поврзаност со обидот за државен удар во Турција, изјави денеска турскиот премиер, Бинали Јилдирим.
Турскиот премиер рече дека при обидот за пуч се убиени 208 лица, а 1.500 се ранети.
Јилдирим истакна дека турските власти, при „расчистувањето на сметките“ со извршителите на пучот, ќе дејствуваат во рамките на законот. Тој исто така увери дека финансиската состојба во земјата е добра и дека Централната банка е подготвена да ги преземе сите мерки за гарантирање на нејзината стабилност.
