fbpx

Уапсени 6.000 лица по обидот за пуч во Турција

-

Најмалку 6.000 лица се уапсени по обидот за државен удар во Турција, изјави турскиот министер за правда, Бекир Боздаг.

– Операцијата за чистење продолжува. Помеѓу уапсените има војници, офицери и судии – нагласи Боздаг.

Во судирот кој изби откако војската се обиде да изведе пуч, загинаа најмалку 265 лица, а ранети се повеќе од 1.000.

Турскиот претседател Реџеп Таип Ердоган претходно изјави дека парламентот ќе го разгледа враќањето на смртната казна.

Ердоган за организирање на пучот го обвини Фетулах Ѓулен за кого побара и екстрадиција од САД.

Ѓулен во интервју за новинарите во Пенсилванија, каде што живее, наведе дека можно е пучот да бил изрежиран и го повика турскиот народ на воената интервенција да не гледа во позитивно светло.

Тој изјави дека демократија не може да се постигне по пат на воени акции и ја критикуваше владата на претседателот Ердоган.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

МКЦ поради изборите е нефункционално – на 30 луѓе не им се продолжени договорите

Сите настани, работилници во Детскиот креативен центар, предавања во Планетариум, детски родендени во Младинскиот кулурен центар од денеска се откажани. Родителите кои веќе имале купено карти за одредени настани...