fbpx

Приведен е Сокол Митревски, поранешниот градоначалник на Ѓорче Петров

-

Поранешниот градоначалник на општина Ѓорче Петров, Сокол Митревски, е приведен утрово, потврдија за „Мета“ извори од истрагата.

Митревски, според неофицијални информации, е приведен за злоупотреба на службената положба и овластувањата, во врска со незаконска пренамена на земјиште на територијата на општината и за незаконско давање земјиште под концесија.

Заедно со Митревски уапсени се уште пет лица вработени во Општината.

Митревски се очекува да биде однесен во една од полициските станици во Кисела Вода или Гази Баба.

Тој три мандати беше градоначалник на општина Ѓорче Петров. Во 2005 година победи како независен кандидат, додека на локалните избори во 2009 и во 2013 година беше кандидат на ВМРО-ДПМНЕ.

Митревски е генерал во пензија, еден од основачите на Факултетот за одбрана во Скопје и долгогодишен професор на Воената академија. Беше аѓутант на поранешните претседатели Киро Глигоров и Борис Трајковски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...