Осум лица, илегални мигранти, од кои седум од Сирија и едно лице од Египет, биле пронајадени во патничко возило „сеат алтеа“ со косовски национални ознаки, управувано од З.М.(36) од Косово. Возилото го откриле полициски службеници од Полициската станица за граничен надзор во близина на селото Богородица во Гевгелија.
Заедно со возилото „сеат алтеа“ се движело и патничко возило „ауди“ без регистарски таблици, кое не застанало на дадениот знак од полициските службеници, туку се оддалечило од местото на настанот, а по кратко време од него излегле осум лица илегални мигранти, од кои шест од Кувајт и двајца од Сирија, а возачот се дал во бегство.
Од Министерството за внатрешни работи информираат дека З.М. е лишен од слобода и се преземаат дополнителни мерки за расчистување на случајот, по што ќе биде поднесен соодветен поднесок.
