fbpx

ТВ-дебати: Ги немаше, а сега нè заковаа пред екраните

-

Дебатите, по неколкугодишно затишје, се вратија во полна сила на телевизиите.

Вчеравечер, на пример, речиси истовремено на дури пет телевизии имаше дебатни емисии – сите на иста тема: Заев, Груевски, „бомбите“, судството, кризата, образованието…

На „24 Вести“ во „Вин-вин“ беше Владимир Лазаревик, на „Телма“ во „Топ-тема“ гостуваа професорите Кирил Барбареев, Енвер Aјдини, Елизабета Секирарска и Камелија Бушљетиќ, на „Алсат-М“ Саше Димовски и Суад Мисини, на „Нова ТВ“ гостуваше Стево Пендаровски, а на МТВ во емисијата „Акцент“ новинарите Борјан Јовановски, Васко Ефтов и Драган Павловиќ-Латас.

Минатата пролет, за време на претседателските и парламентарите избори, дебатите и телевизиите што ги емитуваа се броеја на прсти. Сега, за новите случувања, почнувајќи од студентските и од средношколските протести, „бомбите“ на Заев, акцијата „Пуч“ и случајот со смртта на малата Тамара, уредниците на телевизиите организираат дебатни соочувања со универзитетски професори, политичари, новинари и со експерти.

Пред два месеци на телевизија „Телма“ почна да се емитува дебатната емисија „Топ-тема“, секој работен ден во 20.15 со Сања Васиќ, Александар Чомовски, Снежана Лупевска и со Боби Христов.

– Ја воведовме „Топ-тема“ затоа што почувствувавме дека има потреба од таква емиисија. Првото искуство е одлично. Одлично е примена и добивме голема гледаност. Таа сега ни е најгледаната емисија. Изненадени сме пријатно од одѕивот на соговорниците. Иако сите нè уверуваа дека нема соговорници, се поикажа дека и ним и на гледачите им е потреба дебата – ни рече Сања Васиќ, одговорен уредник на „Телма“.

На телевизија „Алсат М“ има две дебатни емисии кои третираат дневно актуелни теми. Емисијата „Патот кон“ ја води уредникот на телевизијата, Мухамед Зекири, и се емитува секој четврток во 21.45 часот.

Емисијата „360 степени“ ја води новинарот Васко Попетревски и се емитува во понеделник, среда и во петок во 22.30 часот, а трае половина час во кој, најчесто двајца соговорници, даваат аналитички приод кон акутелни и релеватни теми.

Порталот „Нова ТВ“ воведе емисија „Нова дебата“, во која прашања, освен новинарите, може да поставуваат и корисниците на „Фејсбук“ и на „Твитер“.

– „Нова дебата“ е веб, стрим и видеопроект на „Нова ТВ“ со кој ги искористуваме можностите на интернетот за да обезбедиме повеќе и поквалитетна јавна дебата во домашната јавност. Наша цел е важните општествени и политички прашања да ги изложиме на јавна дебата и да овозможиме граѓаните да дискутираат. Обезбедуваме актуелни гости, говорници и соговорници, кои ќе ги изложуваме на аргументации, сомнежи и на прашања поставени од нашите модератори и новинари, но и од твитерџиите, фејсбук-корисниците и од другата интернет-публика – вели Биљана Секуловска, генерален менаџер на „Нова ТВ“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...